मड़केश्वर की माया, जेइनी जाणी, तेइकु बेड़ापार, एथुली यू मंदिर ऐती खास
प्रदीप रावत (रवांल्टा)
का सुदी बोलूं उत्तराखंड ली देवभूमि। चार धामु क सात यख डाकसुणियूं-डाकसुणियूं फंडू देवताऊं की वास। मंदिरू की त छुईं का लाणी। एक से एक मंदिर आमरी देवभूमि मां। । उत्तरकाशी जिला का नौगांव बिलोक क बनाल पट्टी क गौल गां क जंगलु फुंडू एक एंणु मंदिर, जेख साक्षात र भगवान भालेनाथ रऊँ। खास बात यी कि एतरा तांई कोई यु पता ना कि मंदिर फुंडू छ का।
मंदिर फुंड गौड़ बामण सकुऊं नैई। सी पूजा लाऊं। त्युं किनी मंदिर छंवाए। बनाल पट्टी अर सैइद्या सेरांई क मानूं मड़केश्वर माराज की माया। मंदिर ज पर्यटन की नजरी किनी हेरूं त तेख भौत किछी होई सक, पर एतरा तांई त्यां दिशा मा ना त कोईनी काम करी अर ना सोची। पर मान्यता सार दुनियांउंदी तेइकी।
जणु मुंई पैली लेखी कि मंदिर फुंडू का, तेइक बार मा कोई ना पता, पर एंणी लोक लाऊं छुुईं कि तेख साक्षात भगवान शंकर कु वास। भगवान भोले क दगड़ ब्रह्मा अर विष्णु की...